Ný lög taka gildi um áramót

Lög nr. 44/2014, um vísindarannsóknir á heilbrigðissviði, taka gildi 1. janúar 2015. Í lögunum er að finna ýmis nýmæli og breytingar. Rannsakendum, einkum ábyrgðarmönnum rannsókna er bent á að kynna sér nýju lögin vandlega. Lögin finnurðu hérna. Athygli rannsakenda er vakin á bráðabirgðaákvæði laganna varðandi rannsóknir sem þegar hafa verið heimilaðar:

"Um leyfisveitingu fyrir vísindarannsóknum á heilbrigðissviði, sem berast fyrir gildistöku laga þessara, fer samkvæmt ákvæðum eldri laga og reglugerða. Frá gildistöku laga þessara gilda lög þessi um allar vísindarannsóknir á heilbrigðissviði, einnig þær sem samþykktar voru á grundvelli eldri laga og reglugerða og er ólokið."